русская правда

РУССКАЯ ПРАВДА

(ПРОСТРАННАЯ РЕДАКЦИЯ)

СУД ЯРОСЛАВЛЬ ВОЛОДИМЕРИЧЬ.

ПРАВДА РУСЬСКАЯ[1]

1. Аже убиеть мужь мужа, то мьстити брату брата, любо отцю, ли сыну, любо братучадо, ли братню сынови;[2] аще ли не будеть кто его мьстя, то положити за голову 80 гривенъ, аще будеть княжь мужь или тиуна княжа; аще ли будеть русинъ, или гридь, любо купець, любо тивунъ боярескъ, любо мечникъ, любо изгои, ли словенинъ, то 40 гривенъ положити за нь.

2. По Ярославе же паки совкупившеся сынове его, Изяславъ, Святославъ, Всеволодъ, и мужи ихъ, Коснячько, Перенегь, Никифоръ, и отложиша убиение за голову, но кунами ся выкупати; а ино все, якоже Ярославъ судилъ, такоже и сынове его уставиша.

3. О убиистве. Аже кто убиеть княжа мужа в разбои, а головника не ищють, то виревную платити, въ чьеи же верви голова лежить, то 80 гривенъ, паки ли людинъ, то 40 гривенъ.

4. Которая ли вервь начнеть платити дикую виру,[3] колико летъ заплатить ту виру, зане же безъ головника имъ платити.

5. Будеть ли головникъ ихъ въ верви, то зане к нимъ прикладываеть, того же деля имъ помагати головнику; любо си дикую виру, но сплатити имъ во обчи 40 гривенъ, а головничьство самому головнику, а въ 40 гривенъ ему заплатити ис дружины свою часть.

6. Но оже будеть убилъ или въ сваде или в пиру явлено, то тако ему платити по верви ныне, иже ся прикладываеть вирою.

7. Оже станеть без вины на разбои. Будеть ли сталъ на разбои безъ всякоя свады, то за разбоиника люди не платять, но выдадять и всего съ женою и с детми на потокъ и на разграбление.

8. Аже кто не вложить в дикую виру, тому людье не помагають, но самъ платить.

9. А се покони вирнии были при Ярославе: вирнику взяти 7 ведеръ солоду на неделю, же овенъ любо полоть, любо 2 ногате; а в середу куна оже сыръ, а в пятницю тако же, а куръ по двою ему на день, а хлебовъ 7 на неделю, а пшена 7 уборковъ,[4] а гороху 7 уборковъ, а соли 7 голважень;[5] то то вирнику со отрокомь; а кони 4, конемъ на ротъ сути овесъ; вирнику 8 гривенъ, а 10 кунъ перекладная,[6] а метелнику 12 векшии, а съсадная гривна.[7]

10. О вирах. Аже будеть вира во 80 гривенъ, то вирнику 16 гривенъ и 10 кунъ и 12 векши, а переди съсадная гривна, а за голову 3 гривны.

11. О княжи отроци. Аже въ княжи отроци или в конюсе, или в поваре, то 40 гривенъ.

12. А за тивунъ за огнищныи и за конюшии, то 80 гривенъ.

13. А в сельскомь тивуне княже или в ратаинемь, то 12 гривенъ.

14. А за рядовича 5 гривенъ. Тако же и за боярескъ.

15. О ремественице и о ремественице. А за ремественика и за ремественицю, то 12 гривенъ.

16. А за смердии холопъ[8] 5 гривенъ, а за робу 6 гривенъ.

17. А за кормилця 12 гривенъ, тако же и за кормилицю, хотя си буди холопъ, хотя си роба.

18. О поклепнеи вире. Аще будеть на кого поклепная вира, то же будеть послуховъ 7, то ти выведуть виру, паки ли варягъ или кто инъ, то два.

19. А по костехъ и по мертвеци не платить верви, аже имене не ведають, ни знають его.

20. Аже свержеть виру. А иже свержеть виру, то гривна кунъ сметная отроку; а кто и клепалъ, а тому дати другую гривну; а от виры помочьнаго 9[9] кунъ.

21. Искавше ли послуха и не налезуть истьця начнеть головою клепати, то ти имъ правду железо.[10]

22. Тако же и во всехъ тяжахъ, в татбе и в поклепе; оже не будеть лиця, то тогда дати ему железо из неволи до полугривны золота;[11] аже ли мене, то на воду,[12] оли то до дву гривенъ, аже мене, то роте ему ити по свое куны.

23. Оже кто ударить мечемь. Аже кто ударить мечемь, не вынезъ его, или рукоятию, то 12 гривенъ продажи за обиду.

24. Аже ли вынезъ мечь, а не утнеть, то гривна кунъ.

25. Аже кто кого ударить батогомь, любо чашею, любо рогомь, любо тылеснию, то 12 гривенъ.

26. Не терпя ли противу тому ударить мечемь, то вины ему в томь нетуть.

27. Аче ли утнеть руку, и отпадеть рука или усохнеть или нога, или око, или нос утнеть,[13] то полувирье 20 гривенъ, а тому за векъ 10 гривенъ.

28. Аже перстъ утнеть кии любо, 3 гривны продаже, а самому гривна кунъ.

29. А придеть кровавъ мужь. Аже придеть кровавъ мужь на дворъ или синь, то видока ему не искати, но платити ему продажю 3 гривны; аще ли не будеть на немь знамения, то привести ему видокъ слово противу слова; а кто будеть почалъ, тому платити 60 кунъ; аче же и кровавъ придеть или будеть самъ почалъ, а вылезуть послуси, то то ему за платежь, оже и били.

30. Аже ударить мечемь, а не утнеть на смерть, то 3 гривны, а самому гривна за рану же лечебное, потнеть или на смерть, а вира.

31. Аче попъхнеть мужь мужа любо к собе ли от собе, любо по лицю ударить, ли жердью ударить, а видока два выведуть, то 3 гривны продажи; аже будеть варягъ или колбягъ, то полная видока вывести и идета на роту.

32. О челяди. А челядинъ скрыеться, а закличють и на торгу, а за 3 дни не выведуть его, а познають и третии день, то свои челядинъ поняти, а оному платити 3 гривны продажи.

33. Аже кто всядеть на чюжь конь. Аже кто всядеть на чюжь конь не прашавъ, то 3 гривны.

34. Аче кто конь погубить, или оружье, или портъ, а заповесть на торгу, а после познаеть въ своемь городе, свое ему лицемь взяти, а за обиду платити ему 3 гривны.

35. Аже кто познаеть свое, что будеть погубилъ или украдено у него что, или конь, или портъ, или скотина, то не рци и: «Се мое», но поиди на сводъ, кде есть взялъ, сведитеся, кто будеть виноватъ, на того татба снидеть; тогда онъ свое возметь, а что погибло будеть с нимь, то же ему начнеть платити; аще будеть коневыи тать, выдати князю на потокъ; паки ли будеть клетныи тать, то 3 гривны платити ему.

36. О своде. Аже будеть во одиномь городе, то ити истьцю до конця того свода; будеть ли сводъ по землямъ, то ити ему до третьяго свода; а что будеть лице, то тому платити третьему кунами за лице, а с лицемь ити до конця своду, а истьцю ждати прока, а кде снидеть на конечняго, то тому все платити и продажю.

37. О татбе. Паки ли будеть что татебно купилъ в торгу, или конь, или портъ, или скотину, то выведеть свободна мужа два или мытника; аже начнеть не знати, у кого купилъ, то ити по немь темъ видокомъ на роту, а истьцю свое лице взяти; а что с нимь погибло, а того ему желети, а оному желети своихъ кунъ, зане не знаеть у кого купивъ; познаеть ли на долзе, у кого то купилъ, то свое куны возметь, и сему платити, что у него будеть погибло, а князю продажю.

38. Аже познаеть кто челядь. Аще познаеть кто челядинъ свои украденъ, а поиметь и, то оному вести и по кунамъ до 3-го свода; пояти же челядинъ в челядина место, а оному дати лице, ать идеть до конечняго свода, а то есть не скотъ, не лзе рчи: «Не веде, у кого есмь купилъ», но по языку ити до конця; а кде будеть конечнии тать, то опять воротить челядина, а свои поиметь, и проторъ тому же платити, а князю продаже 12 гривенъ в челядине или украдше.

39. О своде же. А ис своего города в чюжю землю свода нетуть, но тако же вывести ему послухи любо мытника, передъ кимь же купивше, то истьцю лице взяти, а прока ему желети, что с нимь погибло, а оному своихъ кунъ желети.

40. О татьбе. Аже убиють кого у клети или у которое татбы, то убиють во пса место; аже ли и додержать света, то вести на княжь дворъ; оже ли убиють и, а уже будуть людие связана видели, то платити в томь 12 гривенъ.

41. Аже крадеть кто скотъ въ хлеве или клеть, то же будеть одинъ, то платити ему 3 гривны и 30 кунъ; будеть ли ихъ много, всемъ по 3 гривны и по 30 кунъ платити.

42. О татбе же. Аже крадеть скотъ на поли, или овце, или козы, ли свиньи, 60 кунъ; будеть ли ихъ много, то всемъ по 60 кунъ.

43. Аже крадеть гумно или жито въ яме, то колико ихъ будеть крало, то всемъ по 3 гривны и по 30 кунъ.

44. А у него же погибло, то оже будеть лице, лице поиметь, а за лето возметь по полугривне.

45. Паки ли лиця не будеть, а будеть былъ княжь конь, то платити за нь 3 гривны, а за инехъ по 2 гривны.

А се уроци скоту. Аже за кобылу 60 кунъ, а за волъ гривна, а за корову 40 кунъ, а за третьяку 30 кунъ, за лоньщину пол гривны, за теля 5 кунъ, а за свинью 5 кунъ, а за порося ногата, за овцю 5 кунъ, за боранъ ногата, а за жеребець, аже не вседано на нь, гривна кунъ, за жеребя 6 ногатъ, а за коровие молоко 6 ногатъ;[14] то ти уроци смердомъ, оже платять князю продажю.

46. Аже будуть холопи татье, судъ княжь. Аже будуть холопи татие любо княжи, любо боярьстии, любо чернечь, их же князь продажею не казнить, зане суть не свободни, то двоиче платить ко истьцю за обиду.

47. Оже кто кунъ взищеть. Аже кто взищеть кунъ на друзе, а онъ ся начнеть запирати, то оже на нь выведеть послуси, то ти поидуть на роту, а онъ возметь свое куны; зане же не далъ ему кунъ за много летъ, то платити ему за обиду 3 гривны.

48. Аже кто купець купцю дасть в куплю куны или в гостьбу, то купцю пред послухи кунъ не имати, послуси ему не надобе, но ити ему самому роте, аже ся почнеть запирати.

49. О поклажаи. Аже кто поклажаи кладеть у кого любо, то ту послуха нетуть, но оже начнеть болшимь клепати, тому ити роте, у кого то лежал товаръ: «А толко еси у мене положилъ», зане же ему въ бологоделъ и хоронилъ товаръ того.

50. О резе. Аже кто даеть куны в резъ, или наставъ в медъ, или жито во просопъ, то послухи ему ставити: како ся будеть рядилъ, тако же ему имати.

51. О месячнемь резе. А месячныи резъ, оже за мало, то имати ему; заидуть ли ся куны до того же года, то дадять ему куны въ треть,[15] а месячныи резъ погренути.

52. Послуховъ ли не будеть, а будеть кунъ 3 гривны, то ити ему про свое куны роте; будеть ли боле кунъ, то речи ему тако: «Промиловался еси, оже еси не ставил послуховъ».

53. Уставъ Володимерь Всеволодича.[16] А се уставилъ Володимеръ Всеволодичь по Святополце,[17] созва дружину свою на Берестовемь: [18] Ратибора[19] Киевьского тысячьского, Прокопью[20] Белогородьского тысячьского, Станислава[21] Переяславьского тысячьского, Нажира,[22] Мирослава,[23] Иванка Чюдиновича,[24] Олгова[25] мужа, и уставили до третьяго реза,[26] оже емлеть въ треть куны; аже кто возметь два реза, то то ему взяти исто; паки ли возметь три резы, то иста ему не взяти.

Аже кто емлеть по 10 кунъ от лета на гривну, то того не отметати.

54. Аже которыи купець истопиться. Аже которыи купець, кде любо шедъ съ чюжими кунами, истопиться, любо рать возметь, ли огнь, то не насилити ему, ни продати его; но како начнеть от лета платити, тако же платить, зане же пагуба от Бога есть, а не виноватъ есть; аже ли пропиеться или пробиеть, а в безумьи чюжь товаръ испортить, то како любо темъ, чии то товаръ: ждуть ли ему, а своя имъ воля, продадять ли, а своя имъ воля.

55. О долзе. Аже кто многимъ долженъ будеть, а пришедъ гость из иного города или чюжеземець, а не ведая запустить за нь товаръ, а опять начнеть не дати гости кунъ, а первии должебити начнуть ему запинати, не дадуче ему кунъ, то вести и на торгъ, продати же и отдати же первое гостины куны, а домашнимъ, что ся останеть кунъ, тем же ся поделять; паки ли будуть княжи куны, то княжи куны первое взяти, а прокъ в делъ; аже кто много реза ималъ, то тому не имати.

56. Аже закупъ[27] бежить. Аже закупъ бежить от господы, то обель; идеть ли искать кунъ, а явлено ходить, или ко князю или къ судиямъ бежить обиды деля своего господина, то про то не роботять его, но дати ему правду.

57. О закупе же. Аже у господина ролеиныи закупъ, а погубить воискии конь,[28] то не платити ему; но еже далъ ему господинъ плугь и борону, от него же купу емлеть, то то погубивше платити; аже ли господинъ его отслеть на свое орудье, а погибнеть без него, то того ему не платити.

58. О закупе же. Аже изъ хлева выведуть, то закупу того не платити; но же погубить на поли и въ дворъ не вженеть и не затворить, кде ему господинъ велить, или орудья своя дея, а того погубить, то то ему платити.

59. Аже господинъ переобидить закупа, а увидить купу его или отарицю,[29] то то ему все воротити, а за обиду платити ему 60 кунъ.

60. Паки ли прииметь на немь кунъ, то опять ему воротити куны, что будеть принялъ, а за обиду платити ему 3 гривны продажи.

61. Продасть ли господинъ закупа обель, то наимиту[30] свобода во всехъ кунахъ, а господину за обиду платити 12 гривенъ продаже.

62. Аже господинъ бьеть закупа про дело, то без вины есть; биеть ли не смысля, пьянъ, а без вины, то яко же въ свободнемь платежь, тако же и в закупе.

63. О холопе. Аже холопъ обелныи выведеть конь чии любо, то платити за нь 2 гривны.

64. О закупе. Аже закупъ выведеть что, то господинъ в немь; но оже кде и налезуть, то преди заплатить господинъ его конь или что будеть ино взялъ, ему холопъ обелныи; и паки ли господинъ не хотети начнеть платити за нь, а продасть и, отдасть же переди или за конь или за волъ, или за товаръ, что будеть чюжего взялъ, и прокъ ему самому взяти собе.

65. А се, аже холопъ ударить. Аже холопъ ударить свободна мужа, а убежить в хоромъ, а господинъ его не выдасть, то платити за нь господину 12 гривенъ; а затемь аче и кде налезеть удареныи тъ своего истьця, кто его ударилъ, то Ярославъ былъ уставилъ убити и, но сынове его по отци уставиша на куны, любо бити и розвязавше, любо ли взяти гривна кунъ за соромъ.

66. О послушьстве. А послушьства на холопа не складають; но оже не будеть свободнаго, то по нужи сложити на боярьска тивуна, а на инехъ не складывати.

А в мале тяже по нужи възложити на закупа.

67. О бороде. А кто порветь бороду, а въньметь знамение, а вылезуть людие, то 12 гривенъ продаже; аже безъ людии, а в поклепе, то нету продаже.

68. О зубе. Аже выбьють зубъ, а кровь видять у него во рте, а людье вылезуть, то 12 гривенъ продаже, а за зубъ гривна.

69. Аже украдеть кто бобръ, то 12 гривенъ.

70. Аже будеть росечена земля или знамение, им же ловлено, или сеть, то по верви искати в собе татя любо платити продажю.

71. Аже кто борть разнаменаеть. Аже разнаменаеть борть, то 12 гривенъ.

72. Аже межю перетнеть бортьную, или ролеиную разореть, или дворную тыномь перегородить межю, то 12 гривенъ продажи.

73. Аже дубъ подотнеть знаменьныи или межьныи, то 12 гривенъ продаже.

74. А се наклади.[31] А се наклады 12 гривенъ: отроку[32] 2 гривны и 20 кунъ, а самому ехати со отрокомь на дву коню, сути же на ротъ овесъ, а мясо дати овенъ любо полоть, а инемь кормомь, что има черево возметь, писцю 10 кунъ, перекладнаго[33] 5 кунъ, за мехъ[34] две ногате.

75. А се о борти. Аже борть подътнеть, то 3 гривны продаже, а за дерево пол гривны.

76. Аже пчелы выдереть, то 3 гривны продажи; а за медъ, аже будеть пчелы не лажены, то 10 кунъ; будеть ли олекъ, то 5 кунъ.[35]

77. Не будеть ли татя, то по следу женуть; аже будеть следъ ли к селу или к товару, а не отсочать от собе следа, ни едуть на следъ или отбьють, то темь платити татбу и продажю; а следъ гнати с чюжими людми а с послухи; аже погубять следъ на гостиныце на велице, а села не будеть, или на пусте, кде же не будеть ни села, ни людии, то не платити ни продажи, ни татбы.[36]

78. О смерде. Аже смердъ мучить смерда безъ княжа слова, то 3 гривны продажи, а за муку гривна кунъ; аже огнищанина мучить, то 12 гривенъ продаже, а за муку гривна.

79. Аже лодью украдеть, то 60 кунъ продаже, а лодию лицемь воротити; а за морьскую лодью 3 гривны, а за набоиную лодью[37] 2 гривны, за челнъ 20 кунъ, а за стругъ гривна.

80. О перевесехъ. Аже кто подотнеть вервь в перевесе, то 3 гривны продажи, а господину за вервь гривна кунъ.

81. Аже кто украдеть въ чьемь перевесе ястрябъ или соколъ, то продаже 3 гривны, а господину гривна; а за голубь 9 кунъ, а за куря 9 кунъ, а за утовь 30 кунъ, а за густь 30 кунъ, а за лебедь 30 кунъ, а за жеравль 30 кунъ.

82. А в сене и въ дровехъ 9 кунъ, а господину колико будеть возъ украдено, то имати ему за возъ по 2 ногате.

83. О гумне. Аже зажьжеть гумно, то на потокъ и на грабежь домъ его, переди пагубу исплатившю, а въ проце князю поточити и. Тако же аже кто дворъ зажьжеть.

84. А кто пакощами конь порежеть или скотину, то продаже 12 гривенъ, а за пагубу господину урокъ платити.

85. Ты тяже все судять послухи свободыми; будеть ли послухъ холопъ, то холопу на правду не вылазити; но оже хощеть истець, или иметь и, а река тако: «По сего речи емлю тя, но язъ емлю тя, а не холопъ», и емети и на железо; аже обинити и, то емлеть на немь свое; не обинить ли его, а платити ему гривна за муку, зане по холопьи речи яли.

86. А железного платити 40 кунъ, а мечнику 5 кунъ, а пол гривны детьскому;[38] то ти железныи урокъ, кто си в чемь емлеть.

87. Аже иметь на железо по свободныхъ людии речи, либо ли запа на нь будеть, любо прохожение нощное, или кимь любо образомь аже не ожьжеть, то про муки не платити ему, но одино железное, кто и будеть ялъ.

88. О жене. Аже кто убиеть жену, то тем же судомь судити, яко же и мужа; аже будеть виноватъ, то пол виры 20 гривенъ.

89. А в холопе и в робе виры нетуть; но оже будеть без вины убиенъ, то за холопъ урокъ платити или за робу, а князю 12 гривенъ продаже.

90. Аже умреть смердъ. Аже смердъ умреть, то задница князю;[39] аже будуть дщери у него дома, то даяти часть на не; аже будуть за мужемь, то не даяти части имъ.

91. О заднице боярьстеи и о дружиннеи. Аже в боярехъ любо въ дружине, то за князя задниця не идеть; но оже не будеть сыновъ, а дчери возмуть.

92. Аже кто умирая разделить домъ свои детемъ, на том же стояти; паки ли безъ ряду умреть, то всемъ детемъ, а на самого часть дати души.

93. Аже жена сядеть по мужи, то на ню часть дати, а что на ню мужь възложить, тому же есть госпожа, а задниця еи мужня не надобе.

94. Будуть ли дети, то что первое жены, то то возмуть дети матере своея; любо си на жену будеть възложилъ, обаче матери своеи возмуть.

95. Аже будеть сестра в дому, то тои заднице не имати, но отдадять ю за мужь братия, како си могуть.

96. А се закладаюче городъ. А се уроци городнику: закладаюче городню,[40] куну взяти, а кончавше ногата; а за кормъ, и за вологу, и за мяса, и за рыбы 7 кунъ на неделю, 7 хлебовъ, 7 уборковъ пшена, 7 луконъ овса на 4 кони; имати же ему, донеле городъ срубять; а солоду одину дадять 10 луконъ.

97. О мостницехъ. А се мостнику уроци: помостивше мостъ, взяти от 10 локотъ по ногате; аже починить моста ветхаго, то колико городне починить, то взяти ему по куне от городне; а мостнику самому ехати со отрокомь на дву коню, 4 лукна овса на неделю, а есть, что можеть.

98. А се о заднице. Аже будуть робьи дети у мужа, то задници имъ не имати, но свобода имъ с матерью.

99. Аже будуть в дому дети мали, а не джи ся будуть сами собою печаловати, а мати имъ поидеть за мужь, то кто имъ ближии будеть, тому же дати на руце и с добыткомь и с домомь, донеле же возмогуть; а товаръ дати перед людми; а что срезить товаромь темь ли пригостить, то то ему собе, а истыи товаръ воротить имъ, а прикупъ ему собе, зане кормилъ и печаловалъся ими; яже от челяди плод или от скота, то то все поимати лицемь; что ли будеть ростерялъ, то то все ему платити детемъ тем; аче же и отчимъ прииметь дети съ задницею, то тако же есть рядъ.

100. А дворъ без дела отень всякъ меншему сынови.

101. О жене, аже ворчетъ седети. Аже жена ворчеть седети по мужи, а ростеряеть добытокъ и поидеть за мужь, то платити еи все детемъ.

102. Не хотети ли начнуть дети еи ни на дворе, а она начнеть всяко хотети и седети, то творити всяко волю, а детемъ не дати воли; но что еи далъ мужь, с тем же еи седети или, свою часть вземше, седети же.

103. А матерня часть не надобе детемъ, но кому мати дасть, тому же взяти; дасть ли всемъ, а вси розделять; безъ языка ли умреть, то у кого будеть на дворе была и кто ю кормилъ, то тому взяти.

104. Аже будуть двою мужю дети, а одиное матери, то онемъ своего отця задниця, а онемъ своего.

105. Будеть ли потерялъ своего иночима что, а онехъ отця, а умреть, то възворотить брату, на не же и людье вылезуть, что будеть отець его истерялъ иночимля; а что ему своего отця, то держить.

106. А матери, которыи сын добръ, перваго ли мужа, другаго ли, тому же дасть свое; аче и вси сынове еи будуть лиси, а дчери можеть дати, кто ю кормить.

107. А се уроци судебнии. А се уроци судебнии: от виры 9 кунъ, а метелнику 9 векошь, а от бортное земли 30 кунъ, а от инехъ от всехъ тяжь, кому помогуть, по 4 куны, а метелнику 6 векошь.

108. О заднице. Аже братья ростяжють перед княземь о задницю, то которыи детьскии идеть ихъ делить, то тому взяти гривна кунъ.

109. Уроци ротнии. А се уроци ротнии: от головы 30 кунъ, а от бортьное земли 30 кунъ бес трии кунъ; тако же и от ролеиное земли. А от свободы 9 кунъ.

110. О холопьстве. Холопьство обелное трое: оже кто хотя купить до полу гривны, а послухи поставить, а ногату дасть перед самемъ холопомь; а второе холопьство: поиметь робу без ряду, поиметь ли с рядомь, то како ся будеть рядилъ, на том же стоить; а се третьее холопьство: тивуньство без ряду или привяжеть ключь к собе без ряду,[41] с рядомь ли, то како ся будеть рядилъ, на том же стоить.

111. А въ даче[42] не холопъ, ни по хлебе роботять, ни по придатъце; но оже не доходять года, то ворочати ему милость; отходить ли, то не виноватъ есть.

112. Аже холопъ бежить, а заповесть господинъ, аже слышавъ кто или зная и ведая, оже есть холопъ, а дасть ему хлеба или укажеть ему путь, то платити ему за холопъ 5 гривенъ, а за робу 6 гривенъ.

113. Аже кто переиметь чюжь холопъ и дасть весть господину его, то имати ему переемъ гривна; не ублюдеть ли, то платити ему 4 гривны, а пятая переемная ему, а будеть роба, то 5 гривенъ, а шестая на переемъ отходить.

114. Аже кто своего холопа самъ досочиться въ чьемь любо городе, а будеть посадникъ не ведалъ его, то, поведавше ему, пояти же ему отрокъ от него, и шедше увязати и, и дати ему вязебную 10 кунъ, а переима нетуть; аче упустить и гоня, а собе ему пагуба, а не платить в то никто же, тем же и переима нетуть.

115. Аже кто не ведая чюжь холопъ усрячеть и, или повести дееть, любо держить и у собе, а идеть от него, то ити ему роте, яко не ведалъ есмь, оже есть холопъ, а платежа в томь нетуть.

116. Аче же холопъ кде куны вылжеть, а онъ будеть не ведая вдалъ, то господину выкупати али лишитися его; ведая ли будеть далъ, а кунъ ему лишитися.

117. Аже кто пустить холопа в торгь, а одолжаеть, то выкупати его господину и не лишитися его.

118. Аже кто кренеть чюжь холопъ, не ведая, то первому господину холопъ поняти, а оному куны имати, роте ходивше, яко не ведая есмь купил, ведая ли будеть купилъ, то кунъ ему лиху быти.

119. Аже холопъ бегая будеть добудеть товара, то господину долгъ, господину же и товаръ, а не лишатися его.

120. Аже кто бежа, а поиметь суседне что или товаръ, то господину платити за нь урокъ, что будеть взялъ.

121. Аже холопъ крадеть кого любо, то господину выкупати и любо выдати и, с кимь будеть кралъ, а жене и детемъ не надобе; но оже будуть с нимь крали и хоронили, то всехъ выдати, паки ли а выкупаеть господинъ; аже будуть свободнии с нимь крали или хоронили, то князю въ продаже.

[1] Суд Ярославль Володимеричь. Правда Русьская. — Содержание заголовка раскрывает отношение древнерусских правоведов κ Краткой редакции Русской Правды при составлении Пространной редакции в первой четверти или первой трети XII в. Они воспринимали текст Домениального устава, или так называемой Правды Ярославичей относящимся κ законодательной деятельности Ярослава Мудрого в той же мере, что и Правду Ярослава, или Древнейшую Правду. Об этом свидетельствует содержание ст. 1 ПП, где сведены нормы ст. 1 КП и ст. 19 КП, относящейся в сохранившемся тексте КП κ так называемой Правде Ярославичей. Ст. 2 ПП подтверждает такое понимание заголовка. Β ней конкретно указывается содержание совместного законодательства Ярославичей — отмена кровной мести. Все остальное законодательство отнесено κ Ярославу, более того — Ярославичи его подтвердили: «... а ино все, яко же Ярославъ судилъ, такоже и сынове его уставиша». Эта же ограниченная по содержанию правовая реформа Ярославичей названа и в ст. 65 ПП, где к их закону отнесено запрещение убивать холопа, ударившего свободного человека, в отличие от законодательства Ярослава, разрешавшего убийство за это преступление.

[2] ... любо братучадо, ли братню сынови... — Указание в перечне лиц, имеющих право на кровную месть, сына брата, который заменил сына сестры, указанного в ст. 1 КП, свидетельствует ο реформе по ограничению кровной мести в великое княжение Ярослава Мудрого (в самостоятельное княжение Ярославичей кровная месть была полностью заменена денежным выкупом). Сын сестры находился в чужом кровно-родственном коллективе. Поэтому его исключение из числа мстителей еще более ограничивало круг кровных родственников, имевших право мстить. Но указание в ст. 1 ПП сына брата привело κ ограничению значения ранее использованного в ст. 1 широкого понятия братучадо, сузив его значение до двоюродный брат, или κ появлению частичной тавталогии при сохранении прежнего значения (см. коммент. κ ст. 1 ПП).

[3] Дикая вира — коллективная выплата виры за чужую вину.

[4] Уборок — мера сыпучих тел.

[5] Голважня — единица измерения соли, возможно, в виде слитка, «головы».

[6] Перекладная — возможно, подать вирнику до окончания дела, в некоторых списках ХІѴ в. эта пошлина осмысляется как прикладная, то есть добавленная κ 8 гривнам.

[7] Ссадная гривна — подать вирнику при его въезде в общину (за сход с коня) (в комментариях κ ст. 9 ПП использованы наблюдения А. А. Зимина, М. Н. Тихомирова, Я. Н. Щапова).

[8] Α за смердии холопъ... — Β списках ПП «А за смердии холоп», поэтому в литературе широко распространено буквальное понимание этих слов — холоп смерда, сельский (холоп, работающий на земле) или пашенный холоп. Однако мнение ο существовании холопов у смердов, а также ο подобных значениях слова смердий, источниками не подтверждается. Между тем, на основании текстуального анализа В. П. Любимов показал в ст. 26 КП и ст. 16 ПП первоначальное равное указание смердов и холопов как двух социальных категорий (Любимов В. П. Смерд и холоп. — Исторические записки, 1941, т. 10). Поэтому в полной мере обосновано предположение Б. А. Романова ο появлении чтения «А за смердии холоп» как «давно укоренившейся описке» (Русская Правда: Учебное пособие. М.—Л., 1940, с. 59), а в новейшей литературе правомерно раздельное чтение смерд и холоп в ст. 16 ПП (работы И. И. Смирнова, Б. А. Рыбакова, Я. Н. Щапова и других).

[9] ... от виры помочьнаго 9. — Интерпретация этих слов существенно различается в результате разночтения помечнаго в Троицком I списке. Отсюда их толкование как указание пошлины мечнику. Однако в рукописях более широко распространено чтение помочного и производные от него варианты. Β отличие от единичного чтения помечнаго пошлина помочное упоминается вторично ст. 107 ПП. Поэтому данное понимание текста широко распространено в литературе.

[10] Железо — судебное испытание раскаленным железом, ордалия, «Божий суд».

[11] Полгривны золота — приблизительно, 5 гривен серебра, 20 гривен кун.

[12] Вода — судебное испытание посредством погружения в воду, ордалия, «Божий суд».

[13] ... или нос утнеть... — Данное чтение в Пушкинской и Карамзинской группах списков было, видимо, древнейшим и составляло часть нормы, тогда как чтение не утнеть в Синодально-Троицкой группе лишено смысла (такое толкование продолжает наблюдения Б. А. Романова, Α. Α. Зимина, Μ. Η. Тихомирова).

[14] ... а за коровиемолоко 6 ногатъ... — Β. Γ. Гейман отметил, что здесь имеется в виду наказание за многократный тайный надой коров, а не разовый удой и не дойная корова, как считали предшественники, что было бы слишком большим наказанием в первом случае и слишком малым во втором (Правда Русская, т. II, М.—Л., 1947, с. 401).

[15] ... въ треть... — Как показал В. О. Ключевский, третный рез представлял собой 50% — из двух частей (50%—50%) — третья часть (Ключевский В. О. Сочинения, т. I, М., 1956, с. 248).

[16] Уставъ Владимерь Всеволодича. — Владимир Всеволодович Мономах, сын Всеволода Ярославича, во время восстания 1113 г. в Киеве после смерти Святополка Изяславича, который недостаточно сдерживал ростовщичество, был приглашен на киевское княжение. Чтобы погасить восстание, Владимир Мономах сразу же ограничил ростовщические проценты. Решение это было принято совместно с узким кругом представителей южнорусской знати.

[17] Святополк — Святополк Изяславич (1050—1113), сын Изяслава Ярославича, князь полоцкий, новгородский, туровский, великий князь киевский с 1093 г.

[18] Берестово — пригородное великокняжеское село под Киевом (ныне находится в пределах городской черты Киева), где в XI—XII вв., возможно, и ранее находился великокняжеский дворец.

[19] Ратибор — княжий муж Всеволода Ярославича и Владимира Мономаха. Β 1079—1081 гг. являлся посадником в Тмутаракани, в 1095 г. находился в Переяславле, где княжил Владимир Мономах, в 1100 г. участвовал в съезде в Уветичах как доверенное лицо Владимира Мономаха. Видимо, сразу при вокняжении в Киеве Владимир Всеволодович назначил его киевским тысяцким.

[20] Прокопий — сведений ο нем нет.

[21] Станислав — Станислав Добрый Тудкович (Тукович), в 1136 г. находился в числе киевских бояр, которые были убиты в результате княжеских распрей. Тогда он служил великому киевскому князю Ярополку Владимировичу, сыну Владимира Мономаха. Β 1113 г. Станислав являлся переяславским тысяцким. Он был сыном Тукы, княжого мужа Изяслава, а позднее Всеволода Ярославичей, брата Чудина, который участвовал в законодательной деятельности Ярославичей.

[22] Нажир — сведений ο нем нет.

[23] Мирослав — сведений ο нем нет. Это имя было широко распространено на Руси. Поэтому его идентификация с одним из бояр Мирославов, упоминаемых в 30—40-е годы XII в., была бы мало обоснованной.

[24] Иванко Чудинович — сын Чудина, киевского боярина и княжого мужа Изяслава Ярославича (см. коммент. κ с. 492), двоюродный брат переяславского тысяцкого Станислава Доброго Тудковича. Поскольку в ПП он назван княжим мужем Олега Святославича, можно предположить, что его отец Чудин остался в Киеве после изгнания Изяслава и стал служить Святославу Ярославичу в его великое княжение, а его сын Иван продолжал эту службу у Олега Святославича.

[25] Олег — Олег Святославич (?—1115), сын Святослава Ярославича, князь владимиро-волынский, черниговский, тмутараканский, муромский.

[26] Устав... до третьяго реза... — Существенное значение для понимания нормативного состава и литературного содержания имеет определение статей Устава Владимира Мономаха ο резах. Объективный критерий в определении его нормативного состава заключается в композиции текста ПП. Устав Мономаха завершает предшествующий по времени комплекс норм ο резах-процентах, ст. 50—52, в качестве нового закона. Но весь этот комплекс норм при кодификации ПП неудачно расчленил целостный комплекс норм ο долговых операциях (ст. 47—49, 54, 55). Поэтому верными представляются мнения ο принадлежности к Уставу, изданному в 1113 г., только ст. 53 и сомнение в принадлежности κ нему ст. 54, 55. (Свердлов М. Б. От Закона Русского κ Русской Правде. М., 1988. С. 128—136).

[27] Закуп — лично свободный сельский житель, владелец собственного хозяйства, который попадал в зависимость через купу (прежде всего деньги, видимо, под проценты). Купу он отрабатывал в хозяйстве господина при определенных формах внеэкономического принуждения.

[28] ... воискии конь... — Β Археографическом II списке воиньскыи, в двух списках Карамзинской группы — своискы. Учитывая эти разночтения, мнения исследователей значительно различаются в понимании значения этих слов. Но каждое из толкований остается уязвимым для критики. При понимании воинский неясна возможность употребления кавалерийских лошадей на пашне, да и само разделение лошадей на кавалерийских и пристяжных, как отмечал В. И. Сергеевич, для этого времени сомнительно. Своискы в значении свой, господина также сомнительно, поскольку неясно, почему при его гибели закуп не платит, тогда как за гибель значительно более дешевых плуга и бороны он платит. Если своискы — конь закупа, то при его утрате закуп со всей очевидностью платить не должен. Однако понимание текста как указания на то, что закупу платить господину не надо, если он погубит своего коня во время работы на господина, также лишено смысла. Поэтому реальное содержание нормы раскрывается, как представляется, только в том случае, если допустить, что пашенный закуп губит своего коня, а господин ему не платит, и в этом выражается неравноправное, зависимое положение закупа.

[29] Отарица — личная собственность закупа, включая землю.

[30] Наймит — в данном случае применение этого термина по отношению κ закупу раскрывает содержание купы как денежного долга под проценты. Слово найм (новгородская диалектная форма намы) означал в XI—XII вв. проценты. Понятие наймит использовалось также для обозначения людей, работающих по свободному найму.

[31] Наклады — дополнительные κ 12 гривнам натуральные и денежные пошлины. При взимании 12-гривенной продажи отрок получал еще пошлину в 2 гривны и 20 кун. Это — одна пятая часть от продажи. Β таком размере проявилась регламентация данной пошлины: равно как и в соответствии со ст. 9 ПП вирник получал дополнительную пошлину в 1 /5 часть виры.

[32] Отрок — в данном случае это слово относится κ административным лицам на разных социальных уровнях: отрок — член княжеской дружины, княжеского судебного аппарата, княжеский слуга, помощник судебного исполнителя, слуга княжеского служилого человека.

[33] Перекладное — возможно, по мнению М. Н. Тихомирова, подать судебному чнновнику за окончание дела.

[34] Мех — находки в Новгороде пломбирующих усгройств — цилиндров — позволили В. Л. Янину высказать убедительное предположение, согласно которому в ст. 74 ПП речь идет ο мешке, где складывались денежные доходы (Янин В. Л. Археологический комментарий κ Русской Правде. — Новгородский сборник: 50 лет раскопок Новгорода. М., 1982, с. 142—146). Поэтому основанием для дополнительного податного обложения могла быть транспортировка взимаемых денег.

[35] Аже пчелы выдереть... то 5 кунъ. — Содержание ст. 76 недостаточно ясно. Α. Α. Зимин приводит мнение научного сотрудника Института пчеловодства Π. Μ. Комарова, согласно которому выражение пчелы не лажены означает, что пчелы не подготовлены на зимовку и вор похитил кормовой и «товарный» мед, Олекъ.— Хозяин взял «товарный» мед, а вор очистил борть до потолка (олек), похитив лишь кормовой мед. Μ. Η. Тихомиров привел известие (1533 г.) из Литовской метрики, откуда следует, что пчелы не лажены — ульи, за которыми не лазили, чтобы вынуть соты, тогда как олек — улей, в котором сидят молодые пчелы, еще не наносившие меду (Памятники русского права, вып. I, М., 1952, с. 103; Тихомиров Μ. Η. Пособие для изучение Русской Правды, М., 1953, с. 103).

[36] Не будеть ли татя... ни татбы. — До классификации Β. Π. Любимовым списков Русской Правды исследователи предпочитали ясное по содержанию чтение поздних списков, Мусин-Пушкинского, Рогожского (Лаптевского) и Карамзинского, «аже будеть следъ», поскольку текст оказывался легким для понимания: если след приведет κ селу или торговому стану, а их жители или хозяева не отведут от себя следа, то... Если признать достоверность чтения Троицкого и других списков, то анализ текста значительно усложнится (Γ. Ε. Кочин, Α. Α. Зимин), но более ясным он не становится. Учитывая, что в Троицком I списке (как и в других) имеются явно ошибочные чтения, можно считать и данное чтение аже не будеть следа ошибочным. Недоумения и искусственные толкования при этом отпадут, а текст приобретет целостный и ясный смысл.

[37] Набойная ладья — ладья с набоями, досками, прибитыми для возвышения бортов.

[38] Детский — в данном случае младший дружинник, исполняющий судебные функции.

[39] Аже смердъ умреть, то задница князю... — Норма статьи исходит из того, что смерд умирает, не имея прямого наследника сына.

[40] Городня — звено городской ограды венчатой конструкции. Лукно, уборок — меры сыпучих тел, ныне точно не устанавливаемые.

[41] ... привяжеть ключь к собе без ряду...— Обрядовая процедура, имеющая юридическое значение: привязывание (к поясу?) ключа при поступлении в тиуны без особого договора ο сохранении свободы превращала человека в холопы. Такая форма похолопления была добровольной, но социально-экономически детерминированной. Взамен утраченной свободы она предоставляла права управления и более стабильное общественное положение в господском хозяйстве.

[42] Дача — то, что дается господином на определенных условиях.

радиционное название — Пространная редакция Русской Правды (далее — ПП) — вводит в заблуждение. Β сочетании с другим традиционным названием — Краткая редакция Русской Правды (далее — КП) — оно приводит κ мнению, что существовал некий юридический памятник — Русская Правда, которая имела две редакции, краткую и пространную. Но это не так. ПП являлась сводом законов и представляла собой вторую кодификацию писаного русского права. Древнерусские юристы включали в ее состав законы, разные по времени и по происхождению. Β их числе находилась и КП (Свердлов М. Б. От Закона Русского κ Русской Правде. М., 1988, с. 106—170). Таким образом, КП и ПП являются двумя различными памятниками юридической мысли и древнерусской письменности.

Создание ПП исследователи датировали по-разному и с существенными различиями в толкованиях, от первой трети XII в. (большинство исследователей) до начала XIII в. (Н. Л. Дювернуа, С. В. Ведров, В. О. Ключевский, М. Н. Тихомиров, Л. В. Черепнин, Я. Н. Щапов и другие). Верным представляется первое мнение. ПП была издана, вероятно, в киевское великое княжение Владимира Всеволодовича Мономаха (1113—1125) или Мстислава Владимировича Великого (1125—1132). Позднее, в период политического распада Киевской Руси на множество самостоятельных княжеств такая общерусская кодификация писаного права была невозможна. Выполнен был этот свод так удачно, что до конца XV в. он использовался в качестве источника светского права (Зимин А. А. Традиции Правды Русской в Северо-Восточной Руси XIV—XV вв. — Исследования по истории и историографии феодализма: κ 100-летию со дня рождения академика Б. Д. Грекова. М., 1982).

ПП написана прекрасным литературиым древнерусским языком без диалектизмов. Вместе с тем она является замечательным и еще не оцененным литературным произведением. Со свойственным средневековому реализму лаконизмом излагает ПП самые различные жизненные ситуации в связи с правонарушениями, в связи с отношениями господства и подчинения, в связи с долгом и наследованием, судебно-следственной процедурой и так далее. Литературно формулировки юридических норм изложены по-разному, от лапидарных клише до обстоятельного изложения. Β текст включена прямая речь, что также придает ПП стилистическое разнообразие.

Β течение долгого периода практического использования ПП в XII—XV вв. ее текст развивался. В. П. Любимов доказал, что списки ПП делятся на три группы: Синодально-Троицкую, Пушкинскую и Карамзинскую, которые подразделяются на виды. Синодально-Троицкая группа наиболее близка κ архетипу, тогда как другие группы являются более поздними по происхождению и содержат дополнительные статьи (Правда Русская, т. I. М.—Л., 1940, с. 34—54). Поэтому текст издается по наиболее исправному Троицкому I списку (XIV в.), относящемуся κ Синодально-Троицкой группе списков.

Лучшее издание ПП: Правда Русская, т. I, с. 89—457. Издаваемый текст Троицкого I списка сверен с его факсимильным воспроизведением: Правда Русская, т. III, М. 1963, с. 43—67.

Русская Правда (пространная редакция), перевод

Русская Правда (пространная редакция), оригинал

Источник: http://drevne-rus-lit.niv.ru/drevne-rus-lit/text/russkaya-pravda-prostrannaya/russkaya-pravda-prostrannaya-komment.htm